വിശപ്പ്

ഭാര്യ വീട്ടിലില്ല!
നല്ല വിശപ്പ്
മുട്ടയും
ഈന്തപ്പഴവും
പൂവൻ പഴവും
കഴിച്ചു
വിശപ്പൊഴിഞ്ഞില്ല

നെറ്റിലെ
കാഴ്ചകൾ
ജഠരാഗ്നി
ജ്വലിപ്പിച്ചു

അടുത്തുള്ള
മൂന്നുകാരിയെ
ഓമനിച്ചിട്ടും
ശമിച്ചില്ല

അഴിയെണ്ണി
അകത്തിരുന്നിട്ടും
വിശപ്പാറിയില്ല

അപ്പോഴേക്കും
ഭാര്യ
വിട്ടുപോയിരുന്നു.

ബോഡി ലാംഗ്വേജ്

ഹൃദയഭാഷ
 പ്രണയമായ്
സ്നേഹമായ്
കാമമായ്
സ്വാർത്ഥമയം

നയനഭാഷ
ശാന്ത
നവരസങ്ങളായ്
നിലാവലയായ്
ഒഴുകിയിറങ്ങി

ചുണ്ടുകൾ
മുത്തത്തിന്റെ
ആംഗലേയ
പരിഭാഷക്കായ്
സീൽക്കരമിട്ട്
നാവ് നീട്ടി

കാഴ്ചകൾ

ശരീര ഭാഷയിൽ
പാവം ക്രൂരനായും
മറിച്ചും
സംഭവിച്ചിരിക്കാം

റോസാ ദളങ്ങളും
ചതുപ്പിടങ്ങളും
ഒളിഞ്ഞിരിക്കുന്ന
അരക്കെട്ടാണത്രെ
ശരീര ഭാഷ
മെനയുന്നത്

വിപണി

കേറ്റ് വാക് നടത്തി
നാമ മാത്ര ധരിച്ച്
ജഘനവും വക്ഷോജങ്ങളും
അളന്നു തിരിച്ച്
ലോകൈക സുന്ദരിയായി

ആരാധകവ്യന്ദത്തിന്‍റ്റെ
വിശ്വാരാധനയില്‍
ഉയര്‍ന്ന് പരിലസിച്ചു
കയ്യൊപ്പിനും
ദര്‍ശനത്തിനും
വേഴ്ച്ചക്കുമായി
ആളുകള്‍ വരിയായി

ഊഹക്കച്ചവടവും
ഉദാരവല്‍ക്കരണവും
പിമ്പുകളായി
വിലയേറിയ അവള്‍ക്കായി
എല്ലാം വ്യയം ചെയ്തു

ഒരുനാള്‍.. അവള്‍
മാന്ദ്യം ബാധിച്ച്
പ്രതിരോധം നഷ്ടമായി
വേദിയില്‍ കുഴഞ്ഞു വീണു..
കടുത്ത കേളികള്‍
തളര്‍ത്തി
അത്യാസന്ന നിലയില്‍..

ലോക ഭിഷഗ്വരന്‍
പരമാവധി ശ്രമിച്ചിട്ടും
ഇപ്പോഴും ഊര്‍ദ്ധ്വന്‍ വലിച്ച്
മ്യതാവസ്ഥയില്‍..

പഴങ്കഥയുടെ
തിക്തസ്മരണയില്‍
മരിച്ചിട്ടും മരിക്കാതെ
അവള്‍..

പഴയ വീട്

പഴയ വീട്
പൊളിച്ചടക്കി
കല്ലും, മണ്ണും പാഴ്മരങ്ങളുമായി

സ്വീകരണമുറിയിലെ
നിറം മങ്ങിയ ചാരുകസേരയിലെ
പഴയ പ്രതാപം
ഊന്നുവടിയും കണ്ണടയും
മറന്ന് പുറത്തേക്കോടി

അകത്തളത്തില്‍
കാണാതായ
കണ്ണടച്ച മാത് ത്വം
സഫലപ്രതീക്ഷയാല്‍
മിഴി തുറന്നു

കിടപ്പറയിലെ
തളര്‍ന്നു മയങ്ങിയ രതിയും
പിണങ്ങിയുതിര്‍ത്ത നെടുവീര്‍പ്പുകളും
മെനഞ്ഞെടുത്ത ജീവസ്പന്ദങ്ങളും
സ്വതന്ത്രമായി..

കക്കൂസ് മാലിന്യം
ഉമിനീരിലലിഞ്ഞ സ്വദായി
പരിണമിച്ചു..

അടുക്കളയിലെ
എല്ലാരും മറന്ന
കണ്ണീരില്‍ പൊതിഞ്ഞ
പട്ടിണിയുടെ ചരിത്രം
തീയില്ലാത്ത അടുപ്പില്‍
അപ്പോഴും
പുകഞ്ഞു കൊണ്ടിരുന്നു..

സ്ക്രൂട്ടിനി

ആധാരവും അടിയാധാരവും
കുടികടവും കൈവശവും
നോക്കി
ഭവനവായ്പയുടെ
ജാതകമെഴുത്ത്

നാലുസെന്‍റ്റ് വാങ്ങാന്‍
ആയുസ്സ്
പണയപ്പെടുത്തിയത്
ഭൂതം!

അടങ്കല്‍ തെറ്റിയ വായ്പയും
ജപ്തിയും
കുടിയൊഴിക്കലും
പാരച്യൂട്ടിലിറങ്ങലും
ഭാവി..!

മോഷണം

നിലവിളികള്‍ക്കായ് കാതോര്‍ത്ത്
ആയുധമെടുത്തൊരുങ്ങി..

തള്ളിയപ്പോള്‍ തുറന്ന വാതില്‍
വിസ്മയമായെങ്കിലും
സ്വര്‍ണ്ണം തേടി
കിടപ്പറയിലെത്തി

മദ്യഗന്ധം പടര്‍ത്തി
തിരിഞ്ഞു കിടന്ന്
കൂര്‍ക്കം വലിക്കുന്ന
കരടിക്കപ്പുറത്ത്
അതിസുന്ദരി
കണ്ണുമിഴിച്ച്
നെടുനിശ്വാസമുതിര്‍ത്ത്
കാത്ത് കിടക്കുന്നു

വരിഞ്ഞു മുറുകിയ കൈകള്‍
രതിമൂര്‍ച്ഛയിലൊഴുകുംബോള്‍
തുറന്നിട്ട ലോക്കറിലേക്ക്
കൈ ചൂണ്ടി അവള്‍
മോഹനിദ്രയിലായി..

മഹധ്വജം നഷ്ടപ്പെട്ട്
ആധികേറിയ പുരുഷന്‍
ഉണര്‍ത്തിയപ്പോള്‍
അവള്‍ ചുറ്റിലും പരതി
അത്ഭുതപ്പെട്ടു
എല്ലാം ഭദ്രം
മറ്റൊന്നും മോഷ്ടിച്ചിട്ടില്ല!

ഗുരുവായൂര്‍

ഗുരുവായൂരിന്‍ വികസനമതിവേഗം
നിറയുന്നു ബഹുനില സൗധങ്ങള്‍
നാള്‍ തോറും കൂടുന്നു ജനസഹസ്രം
നിറയുന്നൂ.. ഭണ്ഡാരം കാണിക്കയാല്‍
എങ്കിലോ..............?

ഒരുമാത്ര സായൂജ്യം തേടുബോള്‍
ശകാരവര്‍ഷം കാതില്‍..
പ്രമുഖര്‍ക്കാവാമത്രെ!
തല ചായ്ക്കാനിടം തേട്യാല്‍..
പിടിച്ചു പറിക്കാര്‍ നേരില്‍..
വെള്ളം കുടിച്ചെന്നാല്‍
കോളിഫോം അകത്തായി
ഓടകളൊഴുകുന്നു മലീമസമായി..
കാര്‍ വര്‍ണ്ണന്‍ നിറമായി..


ഒരുനേരമുണ്ടും ഭജിച്ചും
കഴിയുന്നോര്‍ക്കത്താണിയില്ല
ദേവസ്വം വക നടയടി ശരണം
ആരാമം തീര്‍ത്ഥാനന്ദിക്കുന്നോര്‍ക്കാദരം
കാണാന്‍ കഴ്ച്ചക്കാരേറെ..
വരുമാനം കവിഞ്ഞിട്ടും
അടിസഥാനം നല്‍കാത്തോര്‍..
മനമെന്നു വെളിവാകും..?
നേര്‍ച്ചയെന്തു നേരണം..?