മാപ്പ്....
സ്കൂളില് സതീര്ത്ഥ്യനിരിക്കുമ്പോള്
പെന്സില് കുത്തി നിറുത്തിയതിന്
മുത്തി ചത്ത് കട്ടിലൊഴിയാന്
കാത്തതിന്..
കള്ള്മോന്തി അമ്മയെ തല്ലി
ചോറുകലമെറിഞ്ഞ്
നോവിപ്പിച്ച അച്ഛന്
ഉണരാതിരിക്കാന് പ്രാര്ത്ഥിച്ചതിന്
അയലത്തെ ഉയര്ച്ചയില് ദുരമൂത്ത്
ഭ്രാന്താവാന് നേര്ച്ചയിട്ടതിന്
സീനിയറുടെ മോളെ കെട്ടി
ആപ്പീസിന്റെ മരുമോനാവാന് മോഹിച്ചതിന്
സ്വൈരം കിട്ടാന് നല്ലപാതി
ഒളിച്ചോടാനാശിച്ചതിന്
പെങ്ങളുടെ ഗര്വൊതുക്കാന്
അളിയന് വണ്ടിതട്ടി വടിയാവാന് തോന്നിച്ചതിന്
മക്കള് വടിവാളുമായ് കലികയറിയോടുമ്പോള്
ബീജമായ് തിരിച്ചെടുക്കാന് അഗ്രഹിച്ചതിന്
ദുരിത നിവാരണത്തിന്
സ്വയംഹത്യചെയ്യാനൊരുങ്ങിയതിന്
Tuesday, December 11, 2007
Subscribe to:
Post Comments (Atom)
No comments:
Post a Comment