വീട്ടുജോലിക്കാളെ വേണം
നാഥനും നാഥയും ജോലിക്കാരായാല്
കുഞ്ഞിനെ നോക്കുവാന് മറ്റാരുണ്ട്..?
പലരോടും തിരക്കി പത്രത്തില് പരസ്യവുമായ്..
ലീവെല്ലാം കഴിഞ്ഞിട്ടും ആരേയും കിട്ടീലാ..
അയല് വീട്ടില് ജോലിക്കാളുണ്ടല്ലോ.. ഒന്നിനും
കൊള്ളാത്തവനല്ലോയെന് പതിയെന്ന പരിദേവനം..
ഒരുനാള് പ്രഭാതത്തില് വാമഭാഗം മൊഴിയുന്നൂ..
"അയലത്തെ പണിക്കാരി പിണങ്ങിപ്പോയീ..
നല്ലകുട്ടി.. പണിചെയ്യാന് മിടുക്കി നിങ്ങളൊന്നു
ശ്രമിച്ചെന്നാല് വരവിങ്ങോട്ടാക്കാം"
കോല്ലങ്കോട്ടൊരു ഗ്രാമത്തില് പോയിറങ്ങീ..
ആരാഞ്ഞറിഞ്ഞിട്ടാ കുടിലിന്റെ പടികടന്നു..
കാര്യം ഗ്രഹിച്ചപ്പോള് ശാന്തത തളം കെട്ടി..
ഇരിക്കാന് പറഞ്ഞിട്ടാ ഗൃഹനാഥന് പടിയിറങ്ങി..
ക്ഷണമാത്രയിലാ മുറ്റത്താള്ക്കൂട്ട മായ്..
എന്തെന്നറിയാതെ ഞാനും വിഷണ്ണനായ്..
കൂട്ടത്തിലൊരു തടിമാടന് കോളറില് പിടിമുറുക്കി..
പീഡനവീരായെന്നാക്രോശം കേട്ടപോലെ!
ഞാനല്ലാ.. ഞാനല്ലാ..നിലവിളി ആരു കേള്ക്കാന്!
കേസായ്.. പുലിവാലായ്.. ചാനല്കാര്ക്കാഘോഷമായ്..
നല്ല കുട്ടി, പണിചെയ്യാന് മിടുക്കി...
കുട്ടിയെ നോക്കാന് പണിപോയ ഞാനുമായി.
Sunday, October 28, 2007
Subscribe to:
Post Comments (Atom)
4 comments:
"നല്ല കുട്ടി, പണിചെയ്യാന് മിടുക്കി...
കുട്ടിയെ നോക്കാന് പണിപോയ ഞാനുമായി."
ഹ,ഹ,ഹ കൊള്ളാം..കൊള്ളാം.. കലക്കീ..:)
ഹ ഇതു കൊള്ളാല്ലോ
നന്നായിരിക്കുന്നു.
അക്ഷരജാലകം.ബ്ലോഗ്സ്പോട്.കോം എന്ന പേരില് ഞാന് പുതിയ കോളം ആരംഭിക്കുകയാണ്. ബ്ലോഗ് സാഹിത്യത്തേയും അച്ചടി സാഹിത്യത്തേയും വിലയിരുത്തുന്ന പ്രതിവാര പംക്തിയാണ്. വായിക്കണം.
ആഗോള മലയാള സാഹിത്യത്തിന്റെ അവസ്ഥകളെ മുന്വിധികളില്ലാതെ പിന്തുടരാന് ശ്രമിക്കും.
ഇതൊരു ടെസ്റ്റ് പ്ബ്ലിഷിംങാണ്.
എം.കെ.ഹരികുമാര്
Post a Comment